擔任慧妍雅集信託委員會主席嘅Winnie楊婉儀透露，機構早前向政府申請為數過百萬元嘅一筆過基金，主力宣揚禁毒訊息。佢日前仲同陳法蓉、曹敏莉等為此拍宣傳節目。問到Winnie有冇被引誘過吸毒？佢話冇之餘，又自言：「自己唔食煙，酒都唔多飲，可能感覺好娘同好老土。我喺教會長大，身邊人都好健康。」

楊婉儀話同家人關係良好，唔怕仔女學壞。

Winnie又話同家人關係良好，唔怕一對仔女學壞，「我哋好open去討論問題，畀佢哋認識同分辨。我對佢哋有信心，唔擔心佢哋學壞。」佢又透露正埋首籌備幼兒園開張事宜。問佢會否趁假期同家人出遊散心？佢笑言傾向留港度假：「好耐冇去旅行，習慣放假都留港，唔使塞車，去啲平日唔會去嘅地方當旅行。」

第一手消息請下載on.cc東網iPhone/iPad/Android/Windows Phone Apps