食物環境衞生署轄下逾百個公眾街市，包含一萬四千多個檔位，被揭存在檔位長期空置或被濫用、商戶以雜物阻塞通道，以及街市衞生環境惡劣等問題，令食環署年年蝕大錢，一四至一五年度勁蝕高達三點二億元公帑！申訴專員亦覺事態嚴重，尋日決定向食環署展開主動調查，檢視該署出租街市嘅制度，以及如何使用相關法例同租約條款執行管理等。呢次申訴署主動出擊，睇怕食環署署長劉利群都唔可以再敷衍塞責，繼續耍花招欺上瞞下懶懶閒，搵公帑同民生較飛！
劉利群
