為改善醫務委員會紀律聆訊效率，處理大量積壓嘅投訴個案，食物及衞生局局長高永文計劃喺今年上半年，向立法會提交改革醫委會嘅修訂條例草案，作啟動改革嘅第一步。擬增加大量業界同非業界嘅醫委會評核員，佢哋未必係醫委會正式成員，但喺紀律聆訊或初級偵訊時有評核資格，病人組織亦表歡迎；另打算畀醫委會同律政司可就醫委會聆訊委派多一名法律顧問，改善聆訊效率。醫委會依家先踏出改革第一步，其實都算遲，但業界同立會支持草案與否，就睇高永文嘅政治手腕嘞！

高永文

第一手消息請下載on.cc東網iPhone/iPad/Android/Windows Phone Apps