大 埔：圖書館大覺瞓 職員扮盲
黃小姐早前到大埔公共圖書館，發現館內有不少座位遭人佔用睡覺，令圖書館頓變休息室，不滿職員未有阻止，「啲櫈係畀人用嚟睇書，但我見好多人都係瞓覺，有時啲人仲會瞓到扯鼻鼾，咁嘈點睇書？同埋呢啲情況好多圖書館都有，康文署係咪應該要做啲嘢！」
公共圖書館內有人佔用座位睡覺。
康樂及文化事務署發言人表示，為提供寧靜及舒適的閱讀環境予讀者使用各項設施及服務，職員會定時在館內巡察，維持秩序。如發現有讀者在睡覺或長時間佔用座位而不作閱讀用途等行為，會立即作出勸喻，而大部分讀者經提醒後均願意自律及合作。圖書館亦會不時透過讀者教育行為，以提升公眾意識，共建良好閱讀環境。
發言人又指，如使用者發現個別人士有妨礙其他讀者的行為，應即時與職員聯絡，以便採取適當跟進措施。
