新一屆區議會隨選出正、副主席後正式展開,其中成功連任嘅工聯會元朗區議員劉桂容(阿容)尋日出席首次區議會會議後,即想到要為同事爭取喺每個座位增設充電插座。阿容話,區議會同事好多時會帶電腦開會,每個位有充電插座可方便同事充電、充手機,毋須自備「尿袋」。有充電插座咁方便,相信大家都希望阿容「成功爭取」。

劉桂容爭取在會議室每個座位加設充電插座。

另外,獲鄉事派力撐嘅新任主席沈豪傑同連任副主席嘅王威信「老友鬼鬼」,似乎合作無間。王威信透露,佢同沈豪傑英文名都叫Wilson,就讀同一間中學,係同校師兄弟,長大後亦同為律師,現在更住元朗同一屋苑。咁多巧合,唔通王威信亦同黨友轉軚撐師弟出任主席?

第一手消息請下載on.cc東網iPhone/iPad/Android/Windows Phone Apps