城中鏡：闔家除夕睇夜場 王敏德玩埋倒數
送走二○一五，迎來二○一六，城中人各自各精彩，王敏德同太太馬詩慧（Janet）以及女兒王曼喜、王麗嘉與兒子王躍穎一家五口，就揀定除夕夜齊到戲院睇戲，散場嗰陣，啱啱好距離新一年仲有十分鐘，趕得切玩埋倒數。
王敏德（左一）一家除夕夜去睇戲，散場啱啱趕及倒數。
太太：最緊要健康
Janet踏出戲院時話：「仲有十分鐘就倒數喇。」咁佢哋跟住有乜活動呢？原來都係各自精彩，潮爸潮媽首先車啲仔女去佢哋啲朋友屋企，各自參加新年party，之後，就係佢哋夫妻返屋企歎二人世界。Janet話新年願望一定係身體健康，嚟緊嘅農曆新年佢哋都會留港慶祝，唔會出埠，因為Michael話有好多工作，十分之忙，太太Janet即刻加把口：「身體健康先，要有健康先可以搵錢。」
