政壇：沈慧林「錶」揚香港精神

踏入新嘅一年，人人都有自己嘅願望，「港產陀飛輪」萬希泉創辦人沈慧林（William）就話，希望家人同朋友都身體健健康康，原來佢日前先發過燒同患上腸胃炎，所以更感健康嘅可貴。

新嘅一年開始，佢都有唔少工作大計，而今年其中一項重頭戲就係同香港運動員合作推出嘅腕錶，藉此宣揚香港精神，譬如年中時，應該會推出由香港桌球「天王」傅家俊設計嘅腕錶，同時又會繼續推星戰（Star Wars）系列腕錶。咁多主題產品，粉絲們又有得忙喇。

假期完結之後，佢本月內就會飛去北京、台灣同青海等地，工作忙成咁，今年之內會唔會升呢做爸爸？佢輕鬆表示隨緣啦。