政壇：孫大倫三代同堂迎新禧
送舊迎新，一家人共敍最有意義。中港照相主席孫大倫一家日前就齊集於金鐘一個晚會，倒數兼齊賀二○一六年嘅到來。
孫大倫一身型格裝束與太太到場。
一家齊倒數嘅孫道弘同爸爸嘅造型好相似。
呢一晚，孫大倫夫婦同細仔孫道熙夫婦首先到場，隨後長子孫道弘夫婦同一對女兒亦赴會。今年孫家將添新成員，孫道弘同已經懷孕嘅太太喺剛過去嘅聖誕節去咗台灣旅行四天，欣賞咗當地唔少手工藝。問到新年願望，孫太摸摸肚話：「希望今胎順順利利，我係高齡產婦，依家佗咗BB有四個月，未知係男仔定女仔，今胎係計劃之內，所以今年留番喺香港倒數，無出埠。初期我嘅妊娠反應好嚴重，嘔得好犀利。」
倒數完畢，孫大倫一家就離開晚會返屋企，識玩又識養生，對大人細路都咁好。
