【本報訊】 元旦凌晨好夢正酣之際,李先生突被「砰、砰」兩響異聲嚇醒,他覺得兩聲「好響」,而且「好真實」,似是槍聲而不似燒炮仗,心中頓起念頭:「係咪有事發生,所以有人開槍!」原來他所料不差,到早上他遇到記者採訪,始知住所樓下發生便衣警員開槍追截可疑人案件。

警員到甘霖樓進行問卷調查。

李先生聽到兩聲槍聲被驚醒。

記者採訪 始知開槍

該名居於時雨樓高層單位的李先生稱,「尋晚(除夕)十二點幾,我睇完電視有啲攰,就上床瞓覺,好快就瞓着,但無幾耐突然聽到『砰、砰』連續兩聲,之後就扎醒咗。啲聲嚟得好突然,聽到嗰陣,個心即刻離一離。」他表示,因為以前在內地旅行時有玩過燒槍,所以聽到「呢兩聲都好響好真實,我一聽就覺得唔似係燒炮仗嘅聲,因為我以前去過內地燒槍,所以我聽得出嗰兩聲係槍響!啲聲就好似喺我耳邊響咁,我嗰陣都有諗過,係咪有事發生,所以有人開槍!」惟他當時不知究竟發生何事,故不以為然,且因疲累關係,很快便再次入睡,到早上才從記者口中得知發生警員開槍案。

另外,甘霖樓的鍾先生表示,前晚十一時許,他已瞓着,因為瞓得好冧,所以未有聽到槍聲,「我一覺就瞓到天光」。不過,他指自己住彩雲邨約二十年,「呢度治安一向都幾好」,故向來打開門睡覺,而且「好多人(街坊)夜晚都出嚟行吓,唔覺得人流複雜,所以都唔擔心,相信今次只是個別事件。」

第一手消息請下載on.cc東網iPhone/iPad/Android/Windows Phone Apps