大圍：野鳥群開餐雀糞恐播毒

「平時我喺呢邊等小巴，好多時見到有一大群雀仔聚晒喺度，都唔知係咪有人餵嘅。一陣啲雀有咩病毒，呢度咁多人行就好易傳染！」劉小姐指出，港鐵大圍站外行人路常有野鳥聚集，地上亦常見有麵包碎屑及米粒等食物殘渣，質疑有人餵飼野鳥，擔心可致衞生問題。

大圍港鐵站外行人路常有雀鳥聚集，啄食地上的食物碎屑。

食署巡查無發現餵飼

食物環境衞生署發言人表示，派員巡查上址時沒有發現有人餵飼野鳥，但發現港鐵站外行人路上有少量垃圾，遂安排潔淨服務承辦商清理。發言人強調，會繼續留意上址及採取適當行動，以保持環境衞生。

「地上面咁多垃圾，梗係引晒啲雀仔過嚟啦，依家地下又積埋啲雀仔糞便，真係好污糟！冬天又係流感高峰期，希望條路可以乾淨啲啦！」劉促食環署繼續跟進並加強清潔，改善上址衞生。