SUN揭秘：被指裝香養鬼仔 佛牌店主喊冤
「泰國佛牌免問」？旺角一個潮流商場，近期場內不少舖位突然貼出這張神秘告示，結果引起途人議論紛紛，認定場內曾發生一些「不可思議」事件，才令業主決定趕絕佛牌店。不過記者深入調查，揭發趕絕佛牌店確有其事，不過並非因「不可思議」事件，反而是眾業主為免商場變成泰國佛牌專門店，聯手拒租。至於現時仍租用商場舖位的佛牌店經營者直言，一般人將佛牌與養鬼仔混為一談，對業主的封殺行動大表無奈。 文：簡卓鈞 攝：關萬亨、朱偉坤
啲人對不同宗教有不同睇法，可能外界渲染得多，大家對佛牌先有咁多誤解。
不少吉舖均貼上「泰國佛牌免問」的告示。
佛牌店顧客Crystal 認為，趕走佛牌店「無意思」。
有地產經紀認為商場內有佛牌店十分趕客。
一間又一間，十多間吉舖紛紛貼上「泰國佛牌免問」的告示，令人懷疑商場有否發生過「不可思議事件」。這個樓高三層的商場，近一百五十間商舖中，以往主打潮流商品，近年商品逐漸多元化，兩年前開始有佛牌店進駐，結果愈開愈多，現時場內有十多間，主要集中三樓位置。
怕「神怪」趕客
據了解，趕絕佛牌店行動早於一年前開始，當時有人發起「支持業主聯名簽名大行動」，表明寧讓舖頭空置，亦不租予佛牌店，直至近期「趕絕」行動升級，白紙黑字寫明拒租。「我哋年頭搬入嚟，業主劈頭第一句就問我係咪賣佛牌。」有租戶指，業主強調如她反口賣佛牌，租約即時失效。「講就係咁講，巷尾嗰間之後咪又轉咗賣佛牌。」
有地產代理指，隨着近年市道低迷，需要上樓梯的劏場人流漸稀，一眾業主決意進行大革新，於是趁着舖位空置，將商場打造成女性時裝和婚禮用品集中地，大改商場形象。他又指：「大家都覺得佢哋（佛牌店）搞到個場靜晒！」他又認為，佛牌店「裝香養鬼仔」十分「趕客」，「邊有人鍾意啲神怪嘢！」
惟另有個別地產中介為佛牌店「大平反」，「根本只係啲人喺度搞搞震，好多業主都無所謂。」他認為，業主只需要租客準時交租，從不介意租客從事甚麼行業。「佢哋都好守規矩，邊有搞到烏煙瘴氣呀？」
促互相尊重
佛牌店亦為自己申訴，老闆阿泰表示，「啲人對不同宗教有不同睇法，可能外界渲染得多，大家對佛牌先有咁多誤解。不過好多業主就覺得無乜大問題，準時交租就得啦。」他解釋「請佛牌」如同拜神，只是心靈支柱，不同宗教人士應互相尊重。
「我哋啲客各行各業咩背景都有，如果淨係睇衫就未必嚟呢度啦，所以其實我哋都帶旺咗個場！」從事保險業正在場內買佛牌的Crystal 則表示，趕走佛牌店「無意思」，「其實佢哋走我都會跟住佢哋去第二度啦！」
