城中鏡：趙哲妤自嘲舞林白癡

喺區議會選舉落敗嘅「中國小姐」Uny趙哲妤又再活躍社交場合，佢前晚出席跳舞活動時坦言唔係舞林高手，仲自嘲係舞林白癡：「我學過跳舞，但手腳唔協調，要比人花多三至五倍工夫學跳一隻舞。我學過跳拉丁舞同hip pop。」佢自稱係靜態女生，同舞伴有太多親密動作會感尷尬。同場有人稱「朱主席」嘅朱壽仁，Uny話對方好欣賞佢嘅身形，仲邀請佢擔任國際迷你裙小姐比賽的評判：「佢經常叫我同佢跳舞，或者遲啲跟佢學跳舞，大家建立友誼。」咁同男友跳無咁尷尬？佢話：「之前有個男友拍咗幾年拖，佢由相識第一日教我跳，到分手都學唔識，可能我無心向學。一大班女仔一齊跳會好啲，有人陪先夠膽，我太細膽。」