名模馬詩慧同女兒王麗嘉、馬德鐘同太太，早前接受香港國術總會會長王嘉恩的飯局邀請，席間馬詩慧同馬德鐘仲隨真正大廚學藝，馬詩慧笑說：「做咗媽咪咁耐，煮嘢唔叻但都識，馬德鐘做戲咋，我就真係做助手，我負責上碟，都有難度，每碟分量要差唔多。」佢話大家由買餸到煮嘅過程都拍晒落嚟，同真人騷一樣。提到二女麗嘉即將返波士頓繼續學業，但指女兒仍未忘模特兒夢，打算一有假期就去紐約闖，佢話：「世界咁亂，如果佢一個留喺紐約會擔心，無理由搵人成日陪住佢等運氣，始終要取捨。」

馬詩慧

第一手消息請下載on.cc東網iPhone/iPad/Android/Windows Phone Apps