政壇：孫公狠批立會懶蟲 白逗人工
近年泛民主派嘅立法會議員為「拉布」，頻頻要求響鐘點算會議法定人數，已成家常便飯，甚至搞到流會。教育局前局長「孫公」孫明揚喺報章撰文，話立法會議員每個月受薪同領取各項津貼超過十萬元，應該盡一個全職議員嘅本分開會，絕對唔可以當自己係兼職議員，明踩嗰啲唔開會嘅議員白逗人工。
孫明揚（資料圖片）
孫公憶述，以前佢做官出席立法會會議時，大家都心知肚明議員發言只係為留低個紀錄，唔會執着係咪夠人數，但依家點人數變咗政治手段，故所有議員都應該視開會為首要職責，先至唔會出現「拉布」同令人厭惡嘅行為。
