政壇：工聯會小花 食建仔大禮
區議會選舉候選人申報選舉開支尋日截止，我哋翻查候選人開支時再發現唔少得意嘢。以工聯會同建仔牌頭參選深水埗麗閣選區、打低民協「靈魂」馮檢基嘅「小花」陳穎欣，雖然係工聯會出身，但佢申報獲建仔捐贈六千七百多元，相比之下，工聯會只係捐咗二千一百元，建仔咁落力科水，究竟小花係邊一邊嘅人呢？
蕭思江都識得淘平嘢。（資料圖片）
陳穎欣獲建仔捐贈六千多元選舉開支。（資料圖片）
唔少人都識得喺淘寶買平嘢，好似灣仔樂活選區候選人、出名跳飯碗舞嘅蕭思江，就用人民幣一百二十元（折合一百四十多港元）買咗十二條禮儀帶。中西區區議會主席葉永成就淘咗五十個襟章，當中十個用咗喺選舉，申報用咗人民幣二十元（約二十四港元）。
