大搜查：遊人亂泊車無公德心
「搞到啲地方污漕邋遢、啲人又亂咁泊車；星期六、日唔使旨意搭到小巴出入。」首兩個階段縮減邊境禁區範圍，先後於二○一二年二月及二○一三年六月實行，在第二階段開放的馬草壟村，土生土長的村民葉小姐不滿鄉村開放讓外人入內後，嚴重影響村民的原來生活。
小巴班次 難應客量
葉指馬草壟村開放後，吸引不少村外人入村行山、拍照、放遙控飛機及踏單車等，自今年初村車不獲續牌，專線小巴班次維持約半小時一班，根本不足以接載村民及遊人出入，「以前村車可以企，幾乎實上到車，但依家得番一條小巴線，仲要同信義新村、料壆村、蛇嶺村同新村啲村民一齊share（分享）」，不少村民惟有夾份坐的士返工及上學，冀政府加密小巴班次。她又批評遊人欠公德心：「飲完啲嘢、抹完汗啲紙周圍掉，明明行幾步就有垃圾桶！」
不過，沙頭角鄉事委員會主席李冠雄則指開放禁區對村民利多於弊。「最初村民的確有啲唔慣，但依家回落咗好多，冇可能一下子由沙頭角變旺角o架嘛，又冇高樓大廈。」他指開放後居民生活更方便，「以前買部電視機，都要搵上水粉嶺區啲舖先肯送貨，壞咗仲頭痕，搵人整又要等多三個星期去申請禁區紙。」
