外號「吳得掂」嘅教育局局長吳克儉早前誇口話，大學畢業後一個月睇三十本書，數字如此誇張，令吳得掂再次成為眾人取笑對象，連馬會大董葉澍堃（圖右）都忍唔住要抽水！
葉澍堃（圖右）馬時亨（圖左）
前晚葉澍堃同埋港鐵候任主席馬時亨（圖左）一齊出席宴會，葉澍堃自爆睇好多書，例如馬經喇，又話自己搭一程飛機就可以睇完四本「書」，好似旅遊雜誌同埋食譜等等，擺明係寸吳得掂喇！佢除咗識飲識食，又好鍾意旅遊，輕輕鬆鬆就睇完四本「書」嘅可信度都好高o架！
