城中鏡：羅穎怡婚照 世界取靚景
羅氏針織後人Wendy羅穎怡將喺下月二日下嫁達利國際創辦人林富華長子Will林知譽，早前佢哋特登遠赴倫敦、巴塞隆拿同紐約三個極具紀念性嘅地方拍攝緍紗相。
羅穎怡同未來老公喺大笨鐘前影婚照。（受訪者提供）
羅穎怡同未來老公喺聖家堂前影婚照。（受訪者提供）
新娘Wendy喺倫敦生活咗十年，包括就讀大學同畢業後做律師，而新郎Will就喺紐約讀大學同喺金融機構工作，所以地標性嘅大笨鐘、倫敦橋、紐約中央車站同布魯克林大橋等絕對唔少得。至於巴塞隆拿，Wendy同Will同樣對名建築師高第嘅設計非常鍾情，所以特意到巴塞隆拿桂爾公園同聖家堂取景，十分浪漫。
