政壇：唐貝詩坐車攬帶唔老土

身兼一五至一六年交通安全大使嘅唐貝詩，好關注車上佩戴安全帶嘅問題，不忘喺網上呼籲，希望大家視佩戴安全帶係正常嘅事，「我發現有多次同朋友一齊搭車時，真係好多人冇戴安全帶嘅習慣，甚至有幾個朋友見我戴安全帶會好驚奇咁望住我，我妹妹都有多次一樣嘅遭遇。我發現有啲人其實係覺得佩戴安全帶好『老土』，或者真係缺乏佩戴安全帶重要性嘅意識，萬一有意外，人真係有機會會成個飛出車外，造成嚴重嘅意外。」佢強調戴安全帶真係冇乜嘢，又唔麻煩，更加唔「老土」！