話說立法會勞工界前議員、工聯會潘佩璆自從今屆冇做議員後，少咗喺媒體曝光，但就繼續開開心心做聯合醫院精神科顧問醫生。上個月底，因為佢已經六十歲而正式退休，仲喺榮休頒獎禮同九龍東醫院聯網總監徐德義嚟個大合照。

潘佩璆（右）同徐德義合照。（互聯網圖片）

潘佩璆話雖然夠鐘退休，但個心都係想做嘢，所以得知醫管局邀請退休醫生以合約形式服務醫院，就決定繼續返醫院工喇！佢仲講笑話咁樣可以減少同太太日對夜對可能產生嘅摩擦喎！對於最近建仔議員蔣麗芸發表對精神科言論，潘醫生就表明講法冇根據，要求佢道歉同收回言論添！

第一手消息請下載on.cc東網iPhone/iPad/Android/Windows Phone Apps