離任問責官員約半年嘅民政事務局前局長曾德成，仲同地區人士保持密切聯繫，即將卸任灣仔區議會主席嘅孫啟昌，喺社交網站上載多張相片，見到曾德成、灣仔區議員鍾嘉敏等人，喺聖誕節二十五日一齊去吉澳、荔枝窩一帶行山。鍾嘉敏透露，今次行山組合源於早前一個場合見到曾德成，加上身為吉澳女婿嘅孫啟昌擬趁聖誕返吉澳，於是眾人就約喺當日行山，期間仲順道了解獲區議會撥款嘅吉澳地區道路工程最新進展。咦，莫非曾德成對地區事務仲係念念不忘？

曾德成（中）、鍾嘉敏（左）同孫啟昌等約埋齊齊行山。（互聯網圖片）

第一手消息請下載on.cc東網iPhone/iPad/Android/Windows Phone Apps