呢排大家應該收到聖誕卡或者電子聖誕卡，有冇發現啲既有創意，又令你印象難忘嘅卡呢？依家介紹一張畀大家，好爆笑㗎！

李氏兄弟嘅芭蕾舞look，認真搞笑。（受訪者提供）

李鋈麟（左）同李鋈發將芭蕾舞造型放落聖誕卡，希望大家喺零售寒冬下可以過得開心啲。

全港各區工商聯會會長李鋈麟同弟弟博愛醫院副主席李鋈發所發出嘅電子聖誕卡上，特別加咗自己穿上芭蕾舞裝嘅相，臉頰仲化妝化到紅卜卜添，咁樣賀聖誕，搞笑又特別！李鋈麟話之前同弟弟有份喺醫療輔助隊嘅會慶上表演芭蕾舞，惹得哄堂大笑，反應熱烈，所以決定將芭蕾舞造型放落聖誕卡，希望大家喺零售寒冬下，都可以過得開心啲，寄望明年會更好！李鋈麟笑住提醒，呢兩張相得電子版聖誕卡先至有，因為臉頰化到紅卜卜，有人話覺得恐怖，新年流流，大吉利是喎！

第一手消息請下載on.cc東網iPhone/iPad/Android/Windows Phone Apps