城中鏡:何紫綸 陳樂榣 拍檔出禮盒
上月成為人妻嘅模特兒Ann何紫綸除咗轉型做老闆外,更推出Ann Kiss香水,今個聖誕同好姊妹Alley陳樂榣嘅首飾品牌推出聯乘聖誕禮盒,包括有香水同手鏈,限量五百盒。
何紫綸(左)同好姊妹陳樂榣推出聯乘聖誕禮盒。
聖誕禮盒
兩位人妻齊齊做生意只花咗一個月籌備,落手落腳自己包裝,阿Ann話:「第一次生意上合作,二百四十八蚊禮盒反應好好,遲啲情人節又會出其他禮盒。」Alley就話自己嘅首飾店開業兩年,覺得今次兩姊妹一齊合作無得輸。前日阿Ann更率先同旗下公司嘅組合星座少女一齊舉行聖誕派對,聖誕節就同老公二人世界,明年中去馬爾代夫度蜜月。