SUN揭秘：俄攝影師街頭賣相「任你畀」

到處流浪的他並沒有太多路費。「最初只係想同人分享。咁啱嗰時電腦壞咗，突然覺得印出嚟會方便好多，於是就開始咗賣相。」

文化中心被趕介懷

他直言從來不打算牟利，只是本着分享的心，順道賺取旅途上需要的車馬費，「所以我選擇自由定價，大家覺得值幾多就畀幾多。」Andreas坦言，有時候只收到十元八塊的打賞，會反思是否相片拍得不夠好。

然而，在街頭賣照片並不容易，「原本喺尖沙咀文化中心出面擺檔，但係就被驅趕。Andreas認為做法難以理解，「打正旗號搞文化藝術嘅地方，居然最容不下藝術！」因此他來到旺角，熱愛其混雜的文化氣息。

採訪當日記者偕同Andreas在旺角十字路口尋找「毛筆字伯伯」，為他寫自我介紹的牌匾。「呢幾隻字要隔開啲，『價錢隨心』要大隻啲‥‥‥」他着緊地解釋，伯伯也一絲不苟地用間尺量度字體大小。收幾錢？伯伯說，「隨心啦，二十蚊囉！」大概搞街頭藝術的人，都有一種不拘小節的豪氣，與江湖兒女惺惺相惜。