好多人都鍾意食，但鍾意到專登去廚藝學校讀書嘅就比較少，香港賽馬會前主席黃頌顯外孫李家敏Caroline就係其中一個，佢今年由三藩市回港，更會留港度聖誕，炮製聖誕美食，梗係唔少得喇。

李家敏今年留港跟家人共度聖誕，仲會下廚煮聖誕大餐呢！

Caroline自小就鍾意食，佢喺英國升讀大學，畢業後曾經去過拍賣公司做嘢，亦曾經喺幼稚園任教，後來，發現自己最愛嘅始終係飲食，於是去三藩市著名嘅法國藍帶廚藝學校讀書，一讀就兩年多，佢因而被賞識，回港後被邀撰寫飲食專欄，依家Caroline經常去外國，品嘗不同嘅餐廳食物，為自己嘅專欄取靈感。聖誕佳節來臨，Caroline日前特別到友人開設嘅餐廳，小試牛刀，炮製特色聖誕美食、甜品同特飲，佢話：「今年可以同屋企人一齊食飯慶祝，我仲會整酥皮三文魚同聖誕蛋糕畀佢哋食，自己都好期待！」

第一手消息請下載on.cc東網iPhone/iPad/Android/Windows Phone Apps