政壇：家門喜事多 黃士心樂遊埠
聖誕節來臨，各式節目登場，亦有人則趁機偷閒外遊歎番吓。康泰旅行社創辦人黃士心（Jackie）話佢會去新加坡度假，一田CEO莊偉忠將會留港過聖誕，趁機休息、瞓覺，同屋企人去睇戲，咁啱嘅係，AMTD證券及資產管理業務總經理連敬涵都話，平時工作太忙，冇咩機會休息，聖誕梗係瞓番個大覺先。
黃士心聖誕節開心同太太外遊。
莊偉忠就想趁機瞓個好覺。
將公司業務彈畀大仔黃進達後，Jackie已處半退休狀態，樂得清閒，咪安心同太太去旅行睇燈飾囉。今個月佢哋屋企喜事多籮籮，細女結婚、黃進達又當選埋旅遊業議會新主席，真係好開心。
莊偉忠就話，瞓覺之外，仲想搵套「有啲劇情」嘅戲睇吓，假期中，仲想睇多幾本書，為自己充下電。呢個聖誕，真係各自各精彩。
