政壇：搞搞政：林煥光瞓醒唔再唱反調

近日全港性系統評估（TSA）、版權修訂條例、取消強積金對沖機制及全民退休保障等議題，引起社會極大爭議，唔少高官都忙於幫手解畫。行政會議召集人林煥光尋日都蒲頭，仲一改以往同政府唱反調嘅作風，今次口徑同政府一致，睇嚟，佢卒之認識到自己嘅角色同責任嘞。

拒撐全民退保立法

曾主張推行全民老年退休金的林煥光，尋日喺電台節目上稱，全民退保喺政治現實上已不可行，因現時民意轉向，本港的收入增長變得緩慢，加上人口老化，勞動人口下跌，所以無可能就全民退保立法，但未來應該繼續優化強積金及長者生活津貼，例如減少強積金行政費用以及改善對沖機制。

佢又講到版權條例，話上一次相關諮詢及修訂已經係十年前，當時未能通過，導致香港的版權條例遠遠落後其他國家。如果今次又擱置或重新諮詢，香港喺版權保護上只會更為落後，支持應該先行一步，通過目前嘅修訂。