港遊樂場悶爆 設施攞零Fun
遊樂場不止「玩咁簡單」！原來場內的滑梯、玩具屋，甚至平平無奇的沙池、水池，也可訓練孩童的體能、感觀、觸覺及社交能力，幫助他們全面發展。但有遊樂環境專家慨嘆，香港大部分遊樂場的設施種類單一，且用料相同，只着重孩童的體力體驗，「吸引唔到小朋友長時間喺度玩」，建議港府應倣效外國的遊樂場設計，「簡單整個沙池，或者採用唔同嘅材料整唔同高度嘅滑梯，已經足夠。」記者馮穎瑜報道
香港大部分遊樂場的滑梯，用料及高度均相近，欠缺特色。
袁漢昌認為優質遊樂空間不受地方限制。
美國西雅圖遊樂場在地上印上迷宮圖樣，讓家長與兒童均可參與遊樂。（智樂兒童遊樂協會提供）
張熙：「屋企樓下遊樂場好悶，多數都係玩自己嘢。」
陳太表示：「香港地方細，唔可以要求咁多！」
本港大部分遊樂場的設施都以塑膠滑梯為主，且不高於兩米，無論種類或設計均欠新鮮感，智樂兒童遊樂協會遊樂環境顧問袁漢昌認為，遊樂場不僅是遊樂設施，更是一個空間讓小朋友獲得體能、感官和社交三方面的體驗，掌握不同生活技能，啟發潛能，故只有單一的遊樂設備並不足夠，「要有多啲好似攀爬架、平行木等設施，發展小朋友嘅腦部前庭系統，同時畀多啲唔同嘅體能體驗佢哋。」
不受地少限制
袁又舉例，「點解小朋友咁鍾意執樹枝、樹葉玩，就係因為無（設施）用木整，感官觸覺唔夠」，他補充指孩童「天生鍾意玩水、玩沙」，更可透過這些自然元素、空間作自行幻想，發揮創意。
此外，袁強調一個優質遊樂空間不會受地少所限，「大又唔一定好。澳洲有指引話，如果地方真係細，最簡單整個沙池已經夠。」他建議本港參考美國西雅圖的遊樂場，設有三十呎高旋轉滑梯、攀爬網及空中繩網等不同設施，或簡單在地上軟墊印迷宮圖樣，就可讓家長小孩同樂，促進社交等各種體驗。
現年七歲、居於藍田的張熙表示，「屋企樓下遊樂場好悶，多數都係玩自己嘢……如果滑梯高啲就好玩啲！」其五歲弟弟張維更希望可增設沙池玩沙。寶琳居民陳太則指，現時遊樂設計尚可接受，但亦盼增加不同設施，如她兒時常玩的鐵皮滑梯，惟她亦無奈稱「香港地方細，唔可以要求咁多！」
