兩電減費，小恩小惠，環境局局長星星仲一臉沾沾自喜，市民見到佢個樣，自然火上心頭。
星星︰其實都唔係咁差，分分鐘都仲買到個包。
市民︰捱麵包唔通又好威咩？
星星︰唏，積少成多，慳埋慳埋，真係鮑都有得你食。
市民︰咁紅燒啱唔啱？
星星︰都好喎！
市民︰咁就好，廿年後我燒畀你食！
星星︰……其實本來話凍費，依家有得減，都可以接受喇！
（市民連揮三拳，痛毆星星。）
星星︰做乜打我？
市民︰本來我諗住打你三十拳，依家少咗，你都可以接受喇！
