聖誕歌聲開始響起,兒童發展配對基金尋日舉行親子共融樂韻響活動,呢輪被TSA風暴刮到暈嘅教育局局長「吳得掂」吳克儉都有出席,佢仲同現場嘅小朋友傾偈一齊玩添,只係吳得掂局長從政畀人鬧,連氹細路都唔拿手,只見佢扯住一個着聖誕服飾嘅小朋友傾偈,但個細路對突然而來嘅伯伯反應唔過來,一臉驚惶,場面有啲搞笑。

吳克儉扯住個小童想同佢傾偈,但小童卻一臉驚青,不知所措。

吳得掂尋日表現得好輕鬆,不顧身穿西裝,都踎低個身,同只到佢大腿高嘅小朋友傾偈,期間又愛心爆棚咁主動幫手安排佢哋排排企,雖然佢顯得好投入,但小童對唔熟悉嘅大人都會有啲驚,甚至係抗拒,所以吳得掂尋日嘅表現又係吃力未必討好囉。

第一手消息請下載on.cc東網iPhone/iPad/Android/Windows Phone Apps