今屆區議會選舉戰況激烈，其中青年新政游蕙禎喺九龍城黃埔東選區同雙料議員梁美芬激戰，最後梁成功連任。選戰過後仲有餘波，今次係梁美芬主動出擊添。
日前，網上有言論批評黃埔東選民，直指選民視力有問題，呢件事究竟指邊個？政圈中人心清眼明。梁美芬就話，佢嘅支持者對網上嘅批評好厭惡，仲叫游蕙禎「願選服輸」，話如果一眾網民認為自己係爭取民主，就更應該尊重民意同選舉結果。梁美芬仲話，希望游蕙禎可以同自己嘅支持者講吓，乖乖哋唔好再發表攻擊性言論，以免社會撕裂現象更嚴重。
