臨近聖誕,摩根士丹利(大摩)一年一度聖誕唱歌慈善籌款又嚟啦,一眾大摩高層齊齊喺ICC唱聖誕歌,場面熱鬧。今年大摩搵嚟七十幾位董事上台,由大摩亞太區聯席首席執行官高浩灃領唱,籌到善款會捐畀聽障人士嘅慈善機構「龍耳」。

高浩灃負責「愛心聖誕大行動」領唱。

台上除咗一班大摩高層外,仲有一班嚟自香港保護兒童會嘅小朋友,同埋大摩員工嘅子女,成班小朋友同高層齊唱聖誕歌好溫馨。唔止咁,唱最後一首歌嗰陣,龍耳嘅聽障人士都上埋台,用手語「唱」出佢哋嘅聖誕歌。

第一手消息請下載on.cc東網iPhone/iPad/Android/Windows Phone Apps