爬上6米樹頂 阿Sir勸「坐埋啲」
【本報訊】「貴州幫」三刀匪中一對為賊兄弟，細佬「阿發」慌不擇路，逃至仁義路及大網仔路交界的山邊護土牆，被追至警員前後包抄，進退失據下急跳牆，跳上一棵離地約六米高大樹，包圍的警員大為緊張，一度警告「唔好走呀，再走開槍！」惟「阿發」受驚愈爬愈高，與警對峙險象環生。在場的黃大仙警區署理助理指揮官（刑事）總督察鄭嘉俊勸說他返回地面，期間「阿發」以唔鹹唔淡廣東話稱：「我要汽水！」鄭Sir抓緊機會：「我點樣攞畀你呀你咁高。」，眼見「阿發」攬實的幼枝隨時斷，鄭Sir說「你可唔可以坐番埋啲呀，你嗰度好危險！」
「阿發」其後顯得不耐煩，再次大呼「我要汽水呀！」鄭Sir安撫謂「我應承得你就有o架喇，你放心！」警員其後在遇劫獨立屋找來一罐可樂，鄭Sir高舉汽水讓「阿發」看見，又稱：「呢度最大我o架喇！我話應承畀你飲就畀你飲啦，你落嚟啦！」「阿發」疑難抵口渴，見到鄭Sir手持的汽水之後態度軟化，最後爬番地面被捕，被警員帶走時仍邊行邊飲汽水。鄭Sir事後形容今次經歷表示：「對於我嚟講幾難忘。」
