城中鏡：梁寶珠嫁女名人齊到賀

保良局前主席梁寶珠愛女Maya林玉茵尋日同拍拖多年嘅男友Alex喺在中環四季酒店舉行婚禮，獲一眾名人到場祝賀，好似鯊魚女Abbie陳細潔同胞姐劉陳小寶、名人Brandon周國豐等，Abbie話係認識Maya媽咪梁寶珠：「由細睇到Maya大。送咗啱一對新人用嘅嘢。佢哋好快生BB，可能出年生，快啲生到時好似拖住細佬妹出街。」陳小寶就話新一代係想生BB先結婚，所以應該會好快生BB。而單拖出席嘅Brandon就話同Maya認識多年，因太太黃泳霖要去第二個婚禮而缺席。問到會唔會分享夫妻之道？佢直言會有更好嘅人選同一對新人分享。