SUN搞作：SUN官場現形記：點嚟點去
消防搞活動被指玩人，處長軒軒為補鑊，親自同小朋友玩遊戲，後者提議大玩「狐狸先生幾多點」嘅變奏版－「消防處長幾多點」，軒軒一口答應，但結果又出醜人前。
小朋友︰消防處長幾多點？
軒 軒︰九點……
（小朋友正要起步，軒軒又大叫！）
軒 軒︰……兩點先真！
小朋友︰雖然話係玩啫，但唔係叫你玩殘我哋喎！
軒 軒︰唏，幾多點呢家嘢，梗係五時花六時變。
小朋友︰嘩！你講晒啦！
軒 軒︰好喇，閒話少說，繼續！
小朋友︰仲使乜問幾點，我哋知啦。
軒 軒︰未講都知，咁勁？
小朋友︰傻嘅都知，你咁樣玩人，仲唔係「老點」咩？
