SUN搞作：馬墉宜樂觀抗「寒冬」
近期香港零售業嘅銷售數字有跌無升，業界對此叫苦連天。香港鑽石總會創會會長兼主席Lawrence馬墉宜早前出席活動時，談及鐘錶同珠寶行業嘅市況，佢分析以上兩個行業嘅分別，指男人同女人都有機會買錶氹自己開心，但係買鑽石嘅絕大多數係女人；當問及是否指珠寶業銷情一般，Lawrence笑笑口話：「如果男人買隻幾十萬元嘅錶畀自己，你估佢唔使買幾百萬元嘅鑽石畀太太咩」，諗落佢又幾參透做男人嘅「生存之道」噃！
馬墉宜樂觀面對零售業寒冬。
Lawrence又話其實做珠寶呢行算係好幸福，因為客人嚟買珠寶都係有開心事，所以佢哋無論個心幾苦都要笑得出。而且愁眉苦臉又解決唔到問題，不如開心啲，反正成個行業都係咁，又唔係自己做得差，蝕一年半年又有乜所謂喎。
