SUN焦點：港人愛新奇 料理店睇好食泥
分子料理在本港雖未普及，但所在之處必定吸引大批市民爭相「幫襯」。有分子料理店舖負責人指，香港人的飲食習慣較容易接受「新奇」菜式，而且款式愈奇怪愈容易吸引港人嘗試，不排除有餐廳引入高嶺土作招徠。
Joe指知道有西班牙廚師會以高嶺土入饌。
本港有餐廳製作盆栽分子料理作招徠。
視覺衝擊易有Like
「分子料理嘅精粹在於望落去係一樣嘢，到放入口先知原來係第二樣嘢嚟，咁先吸引到人。」甜品分子料理店負責人兼主廚Joe以店內一款分子「盆栽」甜品舉例，用糖醇和朱古力營造乾泥效果，當客人將「乾泥」放入口品嘗，視覺和味覺便會互相衝擊。
師承西班牙的Joe指雖然現時本港未有分子料理店以高嶺土入饌，惟他指在西班牙學藝時已得知當地有餐廳會用高嶺土作分子料理，「香港人好多時都係相機食先，呃Like先至係最緊要，如果用高嶺土將料理整成石頭或泥狀，一定大把人Like啦。」
