香港電台節目《城市論壇》尋日討論版權條例嘅爭議，商經局局長蘇錦樑當然冇到，但搵咗個副秘書長出席，身兼草案委員會主席嘅建仔立法會議員「橄欖」陳鑑林，就明知會畀網民鬧都出席，膽量好過好多高官同佢啲黨友。我哋仲見到佢個囝囝、觀塘區議員陳俊傑，抱住個細仔到現場，之後太太同個大仔嚟埋。原來佢哋啱啱三代同堂去飲早茶，再分頭去論壇同到附近公園踩單車。有兒孫在場支持，橄欖自然講嘢都大聲啲喇！
陳鑑林（右）出席《城市論壇》，家人到場支持。
