屯門中央郵局迂迴 長者傷殘上落不便
【本報訊】 屯門安定郵政局「殺局」後，居民將要改到較遠的郵局，對他們究竟有多大影響呢？本報記者日前邀請剛在安定郵政局繳費的五十八歲裝修工人黎生，由該郵局步行至位於屯門大會堂旁邊的中央郵局。雖然全程只是步行六分鐘左右，但路線迂迴又要上落樓梯，對長者及傷殘人士而言實在是一大挑戰，黎生不禁謂：「我哋後生又熟路都要行咁耐，啲行動不便嘅老人家好辛苦，去到政府合署又要不斷上樓梯轉來轉去，安定郵局梗係要保留啦！」
由安定邨走到屯門中央郵局，要多次上樓梯。
家住友愛邨的黎生，趁放假步行至鄰邨的安定郵政局繳費，他完全不知道此郵局將會營業至本月底便取消，獲記者告知消息時，黎生說，「安定取消咗，咁呢幾條邨街坊去邊度寄包裹同攞郵件？」
步行六分鐘 兜轉好辛苦
記者與黎生由安定郵政局橫過安定邨內行車路到兆安苑停車場，穿過後再經仁愛堂劉皇發夫人小學旁邊小徑，去到屯興路下面的行人隧道。黎生進入隧道後表示，「如果不斷落雨，可以想像拎住拐杖、上年紀居民，走呢段路真係唔容易。」過了隧道後到了屯門政府合署，黎生指着前面兩段各有十三級的樓梯說，「又要上樓梯，後生就話無所謂啫，啲老人家好辛苦。」
他又指着樓梯右邊圍起的維修圍板，「呢度本來有條斜路畀輪椅上去，依家又封咗，你叫坐輪椅嘅老人家點樣上去？」健步如飛的黎生，最後用了六分鐘由安定郵局步行到屯門中央郵政局。當被問到行這段路的感受，黎生搖搖頭地說：「我們都要行六、七分鐘，撐着拐杖嘅老人家肯定唔止，安定郵局應該保留下來。」
