SUN搞作：SUN官場現形記
黃師奶一身打扮惹來途人奇異目光，連康文署署長嫦嫦亦不禁上前向黃師奶詢問一下……
嫦 嫦：咦，點解着晒保護衣出街嘅，唔通有傳染病爆發？
黃師奶：梗係唔係啦！
嫦 嫦：咁玩扮嘢大賽呀？連你囡囡都着到咁。
黃師奶：唔係，我哋去遊戲室玩啫。
嫦 嫦：吓，去玩都着到咁誇張？
黃師奶：鬼咩，你轄下嘅兒童遊戲室滿布細菌，職員消毒又求其，容乜易會中招，着到咁囡囡點玩都唔怕啦！
嫦 嫦：……大菌食細菌，細菌當補品，唔驚啦！
黃師奶：我信你冇菌就真係畀你昆啦！
嫦 嫦：^*@@##$@#$!!!**
