電話騙案猖獗,唔少市民都收過來自「中聯辦」嘅疑似詐騙來電,稍一不慎就好易誤墮陷阱。其實只要多啲留意新聞,就可以識破騙徒嘅詭計,好似立法會議員Alice麥美娟爸爸咁,早前收到自稱「中聯辦」嘅來電叫佢收包裹,不過Alice爸爸霸氣回應對方:「我會叫個女問張曉明(中聯辦主任)拎㗎喇」,相信騙徒聽到無癮之餘,都會覺得出乎意料。

麥美娟

點解Alice爸爸咁醒目呢?Alice笑笑口話,父親平日好關心時事,每朝都會去圖書館睇四份報紙,自然對咁經典嘅騙局提高警覺喇!Alice仲話佢爸爸嘅生活好寫意,得閒就睇實財經台,留意股市上落,仲會返屋企幫手湊孫。但Alice好忙,要兼顧地區事務同立法會工作,嚟緊聖誕都抽唔到時間外遊,只好留港過節喇。

第一手消息請下載on.cc東網iPhone/iPad/Android/Windows Phone Apps