政府委任中華廠商聯合會副會長吳永嘉接替李大壯擔任「香港─台灣商貿合作委員會」主席，而李大壯則被委任為「港台經濟文化合作協進會」主席。吳永嘉忽然上位，係咪為咗喺明年立法會選舉爭奪代表廠商會的工業界議席鋪路？佢話：「答咗就會計選舉經費」，只願話：「options are always open（幾時都開放選擇）」，願意喺不同崗位為社會服務，凡有適合位置都會積極考慮，唔知佢咁嘅回應係咪算係默認呢？

吳永嘉

吳永嘉話多謝政府委任公職，對此感到榮幸同受寵若驚，希望委員會喺未來幾年發揮更積極作用，惠及兩地嘅大、小企業。由於外界好少將佢同台灣聯繫喺一齊，對於今次獲委任為主席，佢話平時除咗去台灣旅遊，仲會同台灣駐港機構保持溝通，了解台方嘅政策。此外，佢亦認識唔少喺台灣從商嘅朋友，可透過唔同渠道與台灣合作。咁樣睇嚟，今次委任難免令人猜測佢係為明年立會選舉鋪路造勢。

第一手消息請下載on.cc東網iPhone/iPad/Android/Windows Phone Apps