政壇：薑驅寒勝男友鄺美雲唔心急
珠寶商人鄺美雲尋日帶同三隻愛犬探訪老人，問到佢今個聖誕會點樣慶祝，佢話：「未諗，我二十四號生日，呢幾日開始陸續同啲朋友食飯，今年唔會大搞party，反而小組慶祝先一齊玩到，好多朋友話要同我慶祝。等遲啲大壽先搞大型慶祝。」咁今年咪lonely Christmas？佢話：「唔會lonely，好多嘢做，公司要做珠寶展，嚟緊要做big sale同埋之後要返內地一日做助學儀式，返啲就冬至喇！」
鄺美雲帶同三隻愛犬探訪老人。
鄺美雲帶同三隻愛犬探訪老人。
被問及有冇朋友介紹男仔佢識？佢話：「好多人都好熱心嘅，不過無特別出嚟，太忙太多嘢做，返到屋企已經無晒力，好攰，放工最好嘅活動就係喺屋企用啲薑同花椒炒完撈埋啲浴鹽嚟浸腳，我呢排有頭風，可以驅寒氣。」
搵個男朋友驅寒？鄺美雲就話：「咁都幾好嘅，其實呢個諗法都唔錯，幾好笑，依家用住薑先，遲啲遇到啱再算，唔急嘅，就算遇到啱都唔係即刻攬，有三隻狗仔喺冬天係最暖。」
