4歲童金黃葡萄球菌入血

有傷口勿前往

「當小朋友身上有傷口時，容易感染細菌，因為遊戲室好多人玩，又唔係經常清潔得好，好容易有細菌孳生。」皮膚科專科醫生史泰祖提醒家長，「一旦有傷口，絕對唔好帶仔女去，如果真係玩玩吓整傷，一定要即刻消毒，嚴重嘅就要去睇醫生，唔適當處理，後果會好嚴重。」今年五月，一名四歲男童在調景嶺體育館內的兒童遊戲室嬉戲時，不慎弄傷腳背，擦傷表面皮膚，數日後發現腳背紅腫、出現含膿水泡及發高燒，送院後證實金黃葡萄球菌入血。

康文署發言人回覆，兒童遊戲室的場地職員會按照既定指引為遊戲室進行清潔及消毒，措施包括定期巡視埸地、於遊戲室每節開放時段前進行清潔，以及每日按運作需要在不同時段暫停開放場地三十至六十分鐘進行徹底清潔，遊戲室入口附近提供消毒洗手液，以加強使用者的個人衞生。