城中鏡：甄子丹被妻踢爆 為仔女拍《星戰》
「宇宙最強」甄子丹嘅太太汪詩詩、「恒生新抱」何倍倩、「皮草太子爺」王大業同周國豐等尋日出席活動時，興奮地同現場嘅黑武士拍照留念。詩詩透露一對仔女係《星球大戰》嘅超級粉絲，子丹亦因為仔女喜歡，而接拍咗呢套電影。詩詩笑言：「真係好偉大。佢哋好開心，覺得爸爸係英雄。暑假嘅時候仲帶過佢哋去探爸爸班，不過當時未on set，佢哋睇唔到啲太空船。」追問會唔會再帶佢哋去？佢就話：「十二月中就拍完，睇吓四、五月補戲嗰陣有冇機會。」
周國豐喺活動上同黑武士過招。
詩詩透露一對仔女係《星球大戰》嘅超級粉絲。
問到子丹飾演乜嘢角色？詩詩透露係忠角。咁係咪唔會演奸角？佢話：「唔係，如果啱都會演，其實我覺得黑武士都好型。」在場嘅周國豐亦係《星》迷，透露有朋友包場睇呢套戲，佢全家仲會打扮成劇中嘅角色去睇戲添！
