政壇：至叻星：提高保安年齡上限 湛家雄釋放「老」動力

保安及護衞業管理委員會宣布乙類保安員許可證年齡上限於本月十八號起，由六十五歲提高至七十歲。措施為健康長者提供更多嘅就業機會，亦都有助紓緩業界所面對嘅招聘困難。現時大約有二十六萬人持有乙類保安員許可證，可就大部分處所提供毋須攜帶槍械彈藥執行一般護衞工作。委員會話放寬年齡上限，係為咗配合政府人口政策，延長市民工作年期同釋放本地潛在勞動力。一個政策就為香港提供大量勞動力，令到老有所為，委員會主席湛家雄今次都算抵讚，但保安員畢竟係一個重要嘅工作，喺續牌方面就真係要把好關喇。