「呢度幾間餐廳都會擺晒啲枱櫈出嚟，當正條行人路係自己舖頭範圍，平時我哋行過都要就住就住行！已經好多年都係咁，投訴咗不但冇好轉，啲舖頭仲愈擺愈多嘢！」陳先生指出，長沙灣東京街有食肆長期將桌椅放出舖外，嚴重阻塞行人通道，曾多次向食環署反映，不滿多年來未有任何改善。

長沙灣東京街有食肆長期將桌椅擺放在行人路，非法擴展營業範圍。

食物環境衞生署發言人證實，過去一年共接獲逾二十宗有關上址食肆非法佔用行人路的投訴，期間提出十四宗檢控。發言人指，一向關注以上情況，並經常派員突擊巡查，而該署巡查上址時亦發現其中一間食肆非法擺放桌椅於舖前行人路，擴展營業範圍，已即時向負責人提出檢控。

「每逢食飯時間呢度都坐滿晒人，有時仲有啲小朋友周圍跑，好易有意外！」陳促該署嚴加執法，遏止有關違規行為。