古人話，苟日新，日日新，又日新。東方報業集團旗艦網站「on.cc東網」本着精益求精嘅精神，不斷創新，致力打造全球華人最強資訊網，成績有目共睹。嗱，太一叮又有好消息宣布，全新三合一東網APP今日隆重登場，大家千祈唔好錯過吖！

東網全新APP有乜亮點？多咯，首先係東網港澳、東網大陸、東網台灣嘅三個APP合而為一，讀者一APP在手，就可以隨時切換及選擇地區版本，仲可以選擇以繁體或簡體字顯示，掌握兩岸四地最新資訊，更加方便快捷。

除咗提升效能，全新嘅東網APP版面亦作出更新，讀者可以輕易透過底部嘅Menu Bar，快速瀏覽東網其他精彩內容，亦可以按左上角東網嘅Logo，拉出隱藏Menu Bar，選擇東網其他內容，設計簡單清晰，一目了然。而東網APP嘅娛樂新聞版面，亦改用大圖模式，版面更吸引，讀者更醒神。

唔可以唔提嘅係，全新嘅東網APP同時新增咗左右撥轉換畫面功能，讀者只要用手指喺畫面向左或向右撥，即可由瀏覽緊嘅版面，跳到其他版面或上下條新聞，即係話，讀者用一隻手指就可以操作整個東網APP，何止係易如反掌，直頭係易如反指添吖。

話時話，喺呢個資訊年代，提示重大消息嘅「推播通知」功能必不可少，東網APP為讀者增加更貼身嘅「推播通知」設定功能，畀讀者自主選擇接收邊類內容，包括新聞、娛樂、財經、體育和生活，而且設有靜音模式，切合唔同讀者嘅需要。至於直播功能更加係一項創舉，只要按APP內嘅直播icon或直播橫額，就可以隨時收看現場直播，掌握第一手資訊。東網獲得一五至一六年港超聯賽事獨家網上直播權，亦係首家獲馬會授權直播六合彩嘅新媒體，無論你係支持香港足球，定係小賭怡情，都唔可以錯過㗎。

要更新東網APP，好簡單嘅咋，iOS用戶只要前往APP Store搜尋「東網」，然後按下「更新」按鈕，手機就會自動為APP進行更新；至於三星等Android用戶則可以到Play Store，輸入「東網」，按下更新即可，同樣咁方便。

一句講晒，讀者嘅支持，就係我哋進步嘅動力。喺瀏覽人數屢創高峰之下，東網必定會與時並進，力臻完美，更大更多嘅驚喜陸續有來，大家最緊要繼續捧場吖！