今年七、八月以來，本地騙案就好多，更有唔少名人中招，日前就有富婆唔見身份證，搞到銀行戶口被盜取八百多萬元，事件令人嘩然，連中華廠商聯合會會董羅台秦（Louisa）都驚埋一份。

羅台秦講起唔見手袋猶有餘悸。

因為呢件事令Louisa勾起手袋被盜竊嘅往事，佢透露，試過喺北京公幹時，隨身嘅手袋被偷，嗰次好麻煩，因為證件、電話等全部無晒，雖然佢最終都安然返港，但返港之後，淨係補領證件等失物都花咗成個月時間，難怪佢諗起都驚！而且，經過呢件事後，佢好似有陰影咁，初期手袋一離身就非常不安，足足花咗五年時間先有好轉，依家騙案咁猖獗，大家真係要打醒精神至好。

第一手消息請下載on.cc東網iPhone/iPad/Android/Windows Phone Apps