車水馬龍的新康街,拐彎進內巷,自是別有洞天。本是尋常百姓家的一片風景,隨着水貨客愈來愈多,民生舖已所剩無幾。有光顧山下小姐拉麵店的食客指,由新康街至巷仔街一帶近幾年受水貨客滋擾,令她們經常「兜路走」。

住附近的食客表示近幾年持續受到水貨活動問題困擾。

「好少行呢邊,去火車站都會兜大圈。」馬小姐表示,走在街上如遇上水貨客,會採取「避得就避」的策略,「佢哋唔會就人,成日霸住條路嚟拆貨。」另一食客鍾小姐皺眉道,平日情況更誇張,「今日算少水貨客,新年或者假期前仲多!」

有街坊指,水貨客不單把路面擠得水洩不通,更嚇怕不少老街坊。居民黃先生指,附近有一間豆品店,已開業多年,「主要做老人家生意,依家啲水貨客成日喺度橫衝直撞,嚇到啲老人家都唔敢嚟。」

第一手消息請下載on.cc東網iPhone/iPad/Android/Windows Phone Apps